Manny Villar

… si Manny Villar ang sasagot sa ating kahirapan?

Tama na muna ang drama, ibahin natin ang topic ditto sa aking blog. Panahon na ng pangangampanya at nalalapit na ang eleksyon. May mga napili na ba kayong kandidato?

Itong si Manny Villar eh hindi ko ginawan ng post dito sa aking blog para ikampanya,
Gusto ko syang pasalamatan  dahil sa medical assistance na kanyang ibinigay (wag nyo na po itanong kung mag kano pede na pamasahe ng 4 na session ng chemo.) para sa aking Tyahin na nag chemo para sa kanyang stage 3 breast cancer.

Nakakakalungkot lang isipin na itinaon talaga nila sa panahon ng kampanya ibinigay ang assistance na ito. Nobyembre pa po kami nag bigay ng sulat para sa opisina ng butihing Senator.

Nakakatuwa talaga ang mga political advertisement ng mamang ito. Ngayon ko lang napag isipan na sa laki ng kanilang yaman ganito lang ang na i share nya? Mabuti pa ang isang Congressman sa aming distrito nakabili kami ng gamut sa ibinigay na medical assistance. Ang punto ko lang mag bibigay naman pala ng tulong talagang timing sa panahon ng kampanya. Hay naku nga naman … Parang mga eksena sa pelikula.

Advertisements

Election 2010 : Senator NoyNoy Aquino’s Speech on his plans for the 2010 election

Mga minamahal kong kababayan,

Kagabi, nasaksihan natin ang isang di-pangkaraniwang kaganapan. Sinabi ng aking matalik na kaibigang si Senador Mar Roxas na magsanib kami upang harapin ang napakalaking hamon upang baguhin ang ating lipunan. Umaapaw po ang paghanga at paggalang ko kay Mar sa kanyang pagsasaalang-alang ng kanyang personal na ambisyon para sa pagkakaisa ng aming Partido at para sa higit na mataas na mithiin na kapwa naming inaasam para sa ating Bayan.

Senator Roxas’ sacrifice is the finest example of selflessness that our nation sorely needs in these morally troubled times. Tulad po ng kanyang sinabi kagabi, kalimutan po muna natin ang ating mga sarili—dahil ang laganap na pagtingin sa pansariling kapakanan ang mismong ugat ng kasakiman at pagkakawatak-watak na sumisira sa ating lipunan.

Kasama po ako ni Mar sa mas malaking labang ito. At sana kasama rin namin ang bawa’t Pilipinong naniniwala sa angking kalinisan ng loob ng karamihan ng ating mga kababayan at naghahangad ng isang bansang tunay nating maipagmamalaki.

Ang usapin pong ito ay di tungkol sa akin o kay Mar. Ang mahalaga pong malaman ay kung kasama namin kayo sa misyon ng tunay na pagbabago. Hindi po madali ang misyong ito, dahil matindi ang kabulukang bumabalot sa ating lipunan. Ngunit hindi imposibleng makamit ang ating mga pinakamimithi para sa Pilipinas. At ito ay magsisimula sa bawa’t isa sa atin. Sa dakong ito, dapat pong tanungin natin ang ating mga sarili: handa rin ba akong mag-sakripisyo para sa bayan?

Sa mga nalalabing araw ng aming pagluluksa at pagdadalamhati sa pagpanaw ng aming mahal na ina, sisikapin ko pong taus-pusong sagutin ang katanugang ito. Sana maunawaan po ninyo ito.

This weekend, I will be going on a spiritual retreat. As I pray for discernment and divine guidance, I urge you to pray with me so that you too can assess your own readiness to take part in the difficult struggle ahead. We are in this together.

Anuman ang mangyari, tandaan po ninyo ito:

Nilabanan ng aking amang si Ninoy Aquino ang lahat ng katiwalian at pang-aabusong sumira sa ating bayan. Nang siya ay pinaslang, pinagpatuloy ng aking inang si Cory Aquino ang Laban para mapanumbalik ang ating demokrasya at ang dangal ng bawa’t Pilipino. Nakamit po nating muli ang ating kalayaan di lamang dahil sa sakripisyo ng aking ina, kundi dahil tumaya din ang milyon- milyong Pilipino.

Ngayong umaatras muli ang ating bayan patungo sa bangin ng kapahamakan, panahon muli upang manindigan! Panahon ding maghanda para sa isang mas mahaba at matinding Laban, kung saan walang bibitiw hanggang makamit natin ang pagbabagong ating hinahangad.

Hindi ko po tatalikuran ang hamong ito! Sana’y kasama ko kayong lahat sa Laban.

Maraming salamat po!

http://www.facebook.com/note.php?note_id=125776578719&ref=mf